Þessi smiðir eru ekki alveg með fulla 5

Fyrir ári síðan lét ég skipta um alla glugga í húsinu okkar. Ég keypti þessa dýru tvöföldu með orkusparandi einangrunarhúðinni. Svo í gær, ég meina það sko, hringdi verktakinn sem seldi mér rúðurnar. Hann sagðist hafa lokið verkinu fyrir einu ári, og ég hefði enn ekki borgað honum eina krónu.

Þó ég sé ljóska þarf það ekki að þýða að ég sé nautheimsk. Ég sagði honum að flinki og vel talandi sölumaðurinn hans sem talaði við mig, hefði fengið mig til þessara kaupa á grundvelli þess að þessar rúður myndu borga sig upp sjálfar á einu ári.

Hallóó!? Núna er nefnilega liðið nákvæmlega eitt ár!

Þá kom löng þögn í símann, svo ég lagði bara á.

Hann hringdi vitanlega ekki tilbaka, hann vill náttúrlega ekki viðurkenna hversu vitlaus hann er!

Athugasemdir

[Ólafur Gunnarsson, 13.11.2008 kl. 11:15]

Hahahaha..frábært

[Brjánn Guðjónsson, 13.11.2008 kl. 12:24]

hahahaha

[Gudrún Hauksdótttir, 14.11.2008 kl. 07:40]

Gódur tessi hahahahaha

[Jac Norðquist, 14.11.2008 kl. 17:23]

 Múhahahahahaha....

[Landi, 15.11.2008 kl. 11:57]

[Rut (IP-tala skráð) 21.11.2008 kl. 13:32]

Fékk þetta sent í morgun þetta er ÆÐI

Ísland er stjórnlaust, því enginn því stjórnar
Ísland er fleki af dýrustu gerð
Ísland er landið sem Flokkurinn fórnar
Ísland á reki í sjónum þú sérð

Ísland í forsetans orðanna skrúði
Ísland sem bankana auðmönnum gaf
Ísland sem sonanna afrekum trúði
Ísland er land sem á verðinum svaf

Íslensk er þjóðin sem allt fyrir greiðir
Íslensk er krónan sem fellur hvern dag
Íslensk er höndin sem afvegaleiðir
Íslensk er trúin: "Það kemst allt í lag"

Íslensk er bjartsýna alheimskuvissan
um íslenskan sigur í sérhverri þraut
Íslensk er góðæris átveisluhryssan
sem íslenskan lepur nú kreppunnar graut

Ísland er landið sem öllu vill gleyma
sem Ísland á annarra hlut hefur gert
Íslenska þjóð, þér var ætlað að geyma
hið íslenska nafn sem þú hefur nú svert

Íslandi stýra nú altómir sjóðir
Ísland nú gengur við betlandi staf
að Íslandi sækja nú alls konar þjóðir
Ísland er sokkið í skuldanna haf

Höf: Hallgrímur Helgasson